一直落雨…唔通連個天都唔鍾意我？腳和鞋好似呢幾日好似一路冇乾過。 每日回到家除鞋陣味自己都頂唔順天氣咁樣好容易有腳氣！
腳部衛生處理得唔好，唔單止容易有異味，仲容易有以下疾病㗎。
（1）香港腳 足部真菌感染起晒水泡仔，出現痕癢異味什至甩皮，都係常見真菌感染嘅表現。唔想年紀輕輕就有香港腳，保持腳部乾爽係最直接有效嘅方法。 平常回到家中鞋要定期做清潔、比如清洗內部可拆卸鞋墊、噴灑酒精或鞋專用消毒噴霧等。 另外有專門預防香港腳嘅足部噴霧㗎！好似呢啲天氣就可以定期噴一噴。
（2）甲溝炎 咁潮濕令到細菌容易滋生，細菌藏於指甲夾縫，好容易在創傷或運動撞到之後演變成為甲溝炎。表現為指甲邊緣紅腫、疼痛，之後或者會出現含膿。輕度嘅甲溝炎建議盡快處理，因為可能用局部搽嘅藥物就可以。但當一旦含膿可能就要口服藥，甚至要做穿刺抽膿或者小手術放膿。另外記住腳趾指甲唔好剪太圓太短，咁樣都容易反覆出現嵌甲或者甲溝炎。
（3）足跟筋膜炎 足跟筋膜炎其實與鞋濕沒有直接關係，不過天氣潮濕痛症特別容易出現，而且下雨天氣比較多人着拖鞋、膠鞋等缺乏鞋墊支撐的鞋，就容易誘發足跟筋膜炎。足跟筋膜炎的成因主要是勞損。處理足跟筋膜炎最重要的還是適量休息、然後定期做伸展拉鬆腳底和小腿後側肌肉筋腱。痛症期間可以使用口服藥物減低炎症以及找物理治療師處理。
#travelwithdoctor #travelwithdoctorHK #帶住醫生去旅行 #醫生tips陪你 #健康每一天 #同日醫務